Gordíonshnútur Geysissvæðisins
Ríkisstjórnin er mjög framtakssöm þessa dagana, enda stutt í kosningar og auk ýmissa kosningaloforða er gott að geta flaggað nýjum afrekum sem ganga í kjósendur (sala ríkiseigna hugnast ekki þessari kjósönd en dæmi um jákvæð mál varða t.d. fæðingarorlof og bætur; það síðartalda kemur reyndar alltof seint á kjörtímabilinu og er augljóslega bara ætlað að friða kjósendur*).
Það allra jákvæðasta sem ríkisstjórnin hefur gert undanfarið og kemur mjög á óvart er samkomulag um kaup ríkisins á öllum eignarhlutum landeigendafélags Geysis innan girðingar á Geysissvæðinu.** Svæðið hefur verið bitbein ríkisins og landeigendafélagsins í áratugi og hver bent á annan varðandi umhirðu þess. Nú sér fram á betri tíð.
___
* Viðbót: „Ríkisstjórnin lagði í gær til breytingar á lögum um almannatryggingar. Í þeim felst meðal annars að lágmarksgreiðslur til öryrkja og eldri borgara hækki upp í 300 þúsund krónur á mánuði frá 1. janúar 2018. Ellen Calmon, formaður Öryrkjabandalagsins, segir ríkisstjórnina vera að reyna að slá ryki í augu kjósenda“, eins og lesa má í frétt á ruv.is. Sömuleiðis bregst Björgvin Guðmundsson, formaður kjaranefndar Félags eldri borgara, illa við tillögum ríkisstjórnarinnar, eins og lesa má um í frétt Stundarinnar.
** Það er ekki jafn heppilegt að Bjarni Ben hafi aðkomu að þessu, því faðir hans og fleiri nánir ættingjar eiga eitt stærsta ferðaþjónustufyrirtæki landsins.
Það allra jákvæðasta sem ríkisstjórnin hefur gert undanfarið og kemur mjög á óvart er samkomulag um kaup ríkisins á öllum eignarhlutum landeigendafélags Geysis innan girðingar á Geysissvæðinu.** Svæðið hefur verið bitbein ríkisins og landeigendafélagsins í áratugi og hver bent á annan varðandi umhirðu þess. Nú sér fram á betri tíð.
___
* Viðbót: „Ríkisstjórnin lagði í gær til breytingar á lögum um almannatryggingar. Í þeim felst meðal annars að lágmarksgreiðslur til öryrkja og eldri borgara hækki upp í 300 þúsund krónur á mánuði frá 1. janúar 2018. Ellen Calmon, formaður Öryrkjabandalagsins, segir ríkisstjórnina vera að reyna að slá ryki í augu kjósenda“, eins og lesa má í frétt á ruv.is. Sömuleiðis bregst Björgvin Guðmundsson, formaður kjaranefndar Félags eldri borgara, illa við tillögum ríkisstjórnarinnar, eins og lesa má um í frétt Stundarinnar.
** Það er ekki jafn heppilegt að Bjarni Ben hafi aðkomu að þessu, því faðir hans og fleiri nánir ættingjar eiga eitt stærsta ferðaþjónustufyrirtæki landsins.
Efnisorð: pólitík, umhverfismál
<< Home